Камолиддин Тожиев: “Йигитларда чарчоқ сезилди”

By Пўлатов Мухаммадхон 09 Nov, 2024 4 дақиқа ўқиш 46 Кўрилди

0 comments 0 likes

Камолиддин Тожиев: “Йигитларда чарчоқ сезилди”

Суперлиганинг навбатдаги туридан ўрин олган "Навбаҳор" - "Пахтакор" (5:2) учрашувидан сўнг меҳмонлар устози Камолиддин Тожиев фикрларини билдириб ўтди.

"Мавсум охири эканлиги иккала бўлимда ҳам сезилди, чунки ҳар 3 кунда майдонга тушяпмиз. Боз устига "Ар Райян" билан ҳам қийин ўйин ўтказдик. Йигитларда чарчоқ сезилди дея оламан",- дейди Камолиддин Тожиев.

- Йирик ҳисобдаги мағлубиятга четлатиш ҳам таъсир қилдими?

- Бунгача ҳисоб 2:2 бўлиб турганди. Четлатиш ҳам таъсирини ўтказди. 10 киши қийналдик, юқорида айтганимдек чарчоқ билинмоқда. Олдинга чиқиб гол урамиз деб ўзимиз ўтказиб юбордик. "Навбаҳор" биз учун ҳар доим принципиал рақиб ҳисобланади.

- Драган Черан бугун нима учун кўринмади?

- Мазаси йўқлиги учун кела олмади.