Вейналдум ниҳоят, «Рома»га ўтди

Рим клуби расмий сайти хабарига кўра, нидерландиялик яримҳимоячи сотиб олиш шарти билан 2023 йилнинг ёзига қадар ижарага олинган.  Қайд этилишича, Рим клуби Вейналдумни 8 миллион еврога сотиб олиш ҳуқуқига эга бўлади. Бунинг учун Жоржиньо римликлар сафида камида 50% ўйинда майдонга тушиши керак. Маълумот учун, Вейналдум ўтган мавсум Париж клуби сафида Францияда 31 ўйинда майдонга тушиб, битта гол ва 3та ассистга муаллифлик қилган.