Хаби Алонсо трансформацияси

Шу тариқа «доришунослар»нинг мағлубиятсиз одимлари 13та ўйинга етди. Бошқача айтганда, Алонсо жамоаси ўзи иштирок этаётган барча турнирларда қаторасига 13та ўйиндан буён мағлубият аталмиш «аччиқ таблетка»ни ичаётгани йўқ. Испаниялик мутахассис шогирдлари бу серия давомида 10та ғалаба ва 3та дуранг қайд этишди.

Алоҳида айтиш керак, Хаби Алонсо иш бошлаган паллада Леверкузен клуби Бундеслига турнир жадвалида «илиниб» турганди. Қарангки, «доришунослар» шундан буён фақат олға қадам босишяпти ва энди 6-ўринга кўтарилиб олдилар. «Байер» шу суръатини сақлаб қолса, ҳаттоки, ЧЛ ҳудуди (кучли тўртлик)га кириб олиши ҳам мумкин. 

* 13та ўйиндан иборат мағлубиятсиз серия жамоа ҳаётида 2017 йилдан кузатилмаётганди (ўша вақт жамоани Хайко Херрлих бошқарган).

* «Байер» мағлубиятсиз серия давомида қаторасига 7та ўйинни ўз фойдасига ҳал қилди. Буниси жамоа тарихидаги рекорднинг такрорланишидир.