Хангжоу-2022. Олимпиячиларимиз 1/8 финалга пешқадам сифатида йўл олишди

Зотан, учрашувда гонгконгликлар 4-дақиқадаёқ ҳисобни очганига қарамай, олимпия тепрмамиз 2-бўлимдаги голлар эвазига ғалабага эришди. Айтганча, 54-дақиқада Алишер Одилов пенальтидан фойдалана олмаган бўлса, 10 дақиқа ўтиб Алибек Давронов ҳисобни тенглаштирди – 1:1. 
Захирадан майдонга тушганига кўп бўлмаган Жасур Жалолиддинов ва Ҳусайн Норчаев 70-дақиқада комбинация уюштириб, вазият Жасурнинг голи билан якунланди – 2:1.
Шу тариқа, Ўзбекистон «С» гуруҳида 6 очко билан 1-ўринни эгаллаб, 1/8 финалга йўлланма олди. мезбонлар эса 2-ўрин билан нимчорак финалга чиқишди. Қайд этиш жоиз, гуруҳдаги икки рақиб – Сурия ва Афғонистон турнирга келмагани сабабли жамоалар 1-ўрин эгасини шу тарзда аниқлашди.
Вакилларимиз 1/8 финалда Индонезияга қарши майдонга тушишади. Ўйин 28 сентябрь куни бўлиб ўтади. 

Осиё Ўйинлари-2022. Футбол.
«С» гуруҳи. 2-тур. Хангжоу.
Ўзбекистон U23 – Гонгконг U23 – 2:1
Голлар: Алибек Давронов 64, Жасур Жалолиддинов 70 – Ли Нгаи 4
Ноаниқ пенальти: Алишер Одилов, 54.
Ўзбекистон U23: 21.Ҳамидулло Абдунабиев, 3.Маҳмуджон Маҳамаджонов, 6.Беҳзод Шамсиев (14.Иброҳимҳалил Йўлдошев, 81), 13.Элдорбек Бегимов, 16.Асадбек Раҳимжонов, 18.Алибек Давронов, 8.Иброҳим Ибрагимов (17.Абдурауф Бўриев, 63), 9.Улуғбек Ҳошимов (19.Ҳусайн Норчаев, 65), 15.Шерзод Эсанов (10.Жасурбек Жалолиддинов, 65), 7.Ҳожимат Эркинов, 22.Алишер Одилов (20. Русланбек Жиянов, 63).