Ян Зоммер ўрнига Омлин

Sky Sport Germany нашри берган хабарга кўра, «Боруссия» Омлин билан 2027 йилгача мўлжалланган шартнома борасида оғзаки келишиб олган. Қайд этилишича, «Боруссия» Омлин трансферини Ян Зоммернинг «Бавария»га ўтиши учун олинган пул эвазига сотиб олиши мумкин. 29 ёшли Омлин 2020 йилдан бери «Монпелье»да ўйнаб келмоқда. Швейцариялик дарвозабон жамоа таркибида 74та ўйин ўтказиб, 15та ўйинда ўз дарвозаси даҳлсизлигини сақлаб қолган. Унинг «Монпелье» билан шартномаси 2024 йилгача мўлжалланган.