Жанубий Корея клуби «Насаф»га Кенжабоев учун яна 65 минг АҚШ доллари тўлаб беради...?!

Жанубий Корея клуби «Насаф»га Кенжабоев учун яна 65 минг АҚШ доллари тўлаб беради...?!

ФИФА Жанубий Кореянинг «Жежу Юнайтед» клуби ва «Насаф» ўртасидаги вазият борасида қарор чиқарган. Бу ҳақда ПФЛ бош директори Диёр Имомхўжаев хабар берган.

«Насаф» Жанубий Кореянинг «Жежу Юнайтед» клуби билан Ислом Кенжабоевнинг машғулот компенсацияси масаласида келиша олмаётганди. ФИФА бу бўйича ўз қарорини эълон қилди. Унга кўра, «Жежу Юнайтед» 45 кун ичида «Насаф» ҳисоб рақамига компенсация сифатида 65 минг доллар ўтказиб бериши керак. Йўқса, клубга нисбатан трансфер тақиқи кучга киради. 

Ислом Кенжабоев 2021 йилнинг январь ойида – 21 ёшида кореяликлар билан шартнома имзолаганди. Унинг Жанубий Кореядаги сафари тахминан ярим йил давом этди. Машғулот компенсацияси «Футболчилар мақоми ва трансфери бўйича регламент» асосида тартибга солинади», - дейилади ПФЛ раҳбарининг телеграм каналида.
Маълумот учун, Ислом Кенжабоев ўтган мавсум «Қизилқум» сафига қайтган бўлса, жорий мавсумни «Навбаҳор» сафида ўтказмоқда.