Жанубий Корея термасида яна немис мураббийи, лекин...

Бу корейслар жамоаси бошқарувини қўлга олган германиялик иккинчи мутахассисдир. Биринчиси Ули Штилике эди. Умуман, Ж.Корея термасида хорижлик ва маҳаллий мураббийларнинг навбати билан ишлашлари тўлқин шаклида кетмоқда. 1948-1994 йиллар оралиғида мамлакат миллий жамоасини фақат маҳаллий мутахассислар шуғулантиришган. Шундан сўнг атиги 7 ой ишлаган Анатолий Бишовец хорижлик биринчи мураббий бўлди. Кейинги 6 йилда ҳам фақат маҳаллий кадрларга ишонч билдирилди. Гус Хиддинк эса хорижликлар эрасини бошлаб берди: португалиялик Умберто Коэльо ортидан нидерланлиялик Жо Бонфрере, Дик Адвокаат ва Пим Вербек ишлашди. бу давр 6,5 йилга чўзилди. Вербек кетганидан 7 йил ўтгач эса, корейслар Штилике хизматига таянишди, бироқ у ЖЧ стартига 1 йил қолган вақтда истеъфога чиқарилди ва жамоани мундиалга Шин Тэ Йонг олиб чиқди. Охирги 4,5 йилда эса Ж.Корея термасини португалиялик Паулу Бенту бошқарди