«ПСЖ» дарвозабони Жанлуижи Доннарумма яқинлашиб келаётган трансфер ойнасида жамоани тарк этиши мумкин.
Мавсум якунлангач, Париж клуби таркибни янгилашни режалаштирмоқда ва «тозалаш» 24 ёшли италиялик дарвозабонга таъсир қилиши мумкин. Tuttomercatoweb хабарига кўра, «ПСЖ» аллақачон Доннарумманинг ўрнига номзодларни қидирмоқда. Италиялик посбон ватанига қайтиш вариантини кўриб чиқишга тайёр. Жанлуижи Доннарумма 2021 йилдан буён «ПСЖ»да тўп суради, у аввалроқ «Милан» шарафини ҳимоя қилган. Transfermarkt дарвозабоннинг нархини 50 миллион еврога баҳоламоқда.
