Микель Мерино, Субименди, Давид Сильва, Оярсабаль, Исак, Сёрлот... Улар бир вақтнинг ўзида «Реал Сосьедад» жамоасида ўйнашган. Ўша пайтда бу жамоа шунчаки кучли кўринганди, лекин вақт ўтиши билан аён бўлдики, бу ростдан ҳам «супертаркиб» бўлган. Бугунги кунда эса улар Европанинг етакчи жамоаларида асосий ўрин тутиб туришибди: бири «Арсенал» ўйинини бошқаради, иккинчисини «Ливерпуль» 150 миллион евро эвазига сотиб олади, бошқаси жаҳон чемпиони бўлди, яна икки нафари - Европа чемпионлари...
Демак, бугун ўша «Реал Сосьедад» ва яна 11та шундай жамоани ёдга оламизки, улар ҳар доим ҳам машҳур бўлмаган, аммо юлдузларга тўла таркибга эга бўлган жамоалардир.
1. «РЕАЛ СОСЬЕДАД» (Испания) — 2021|22
Бош мураббий: Иманол Альгуасиль.
Натижалари: Ла Лигада 6-ўрин, Испания Кубогида чорак финал, Европа Лигасида 1|16 финал.
Бу жамоа мувозанатли ва етук жамоа эди: Мерино ва Субименди марказни назорат қилар, Сильва тажриба ва ижодкорлик қўшар, Оярсабаль — етакчилик ва голлар, Исак ва Сёрлот эса ҳужумдаги қурол.
2. «РОМА» (Италия) — 2015|16
Бош мураббийлар: Руди Гарсия, Лучано Спаллетти.
Натижалари: «А» Серияда 3-ўрин, ЕЧЛда 1|8 финал, Италия Кубогида 1|8 финал.
Муҳаммад Салоҳ, Пьянич, Жеко, Наингголан, Манолас, Флоренци, Перотти — бу жамоа кейинчалик юлдузга айланган футболчиларга тўла эди. Мураббийлар алмашинуви туфайли барқарорлик етишмаган.
3. «САРАГОСА»
(Испания) — 2006|07
Бош мураббий: Виктор Фернандес.
Натижалари: Ла Лигада 6-ўрин, Испания Кубогида чорак финал.
Аймарнинг фантазияси, Диего Милитонинг техникаси, Габи Милитонинг ишончлилиги, Серхио Гарсия ва Сезар Санчесларнинг тажрибаси — жамоа жозибали ўйини калити бўлган. Кейинги мавсумда эса асосий футболчилар кетиб, жамоа ўртаҳолга айланиб қолган.
4. «БОРУССИЯ» Д.
(Германия) — 2020|21
Бош мураббий: Эдин Терзич.
Натижалари: Бундеслигада 3-ўрин, Германия Кубоги ғолиби, ЕЧЛда чорак финал.
17 ёшли Беллингем, 20 ёшли Холанд, Санчо, Ройс, Хуммельс, Герреру - шунчаки исталган титул учун курашишга қодир машина! Ўша жамоада келажак юлдузлари бирга ўйнашганди.
5. «МОНАКО»
(Франция) — 2016|17
Бош мураббий: Леонарду Жардим.
Натижалари: Франция чемпиони, Франция Кубогида ярим финал, ЕЧЛда ярим финал.
Мбаппе, Бернарду Сильва, Фабиньо, Лемар... Ушбу жамоа катта пулга тарқаб кетган, аммо ёдда қоларли жамоа бўлган. Ҳужумкорликда даҳшатли кўринган.
6. «ВАЛЕНСИЯ»
(Испания) — 2008|09
Бош мураббий: Унаи Эмери.
Натижалари: Ла Лигада 6-ўрин, Испания Кубогида чорак финал, УЕФА Кубогида 1|16 финал.
Давид Сильва, Мата, Вилья, Марчена, Альбиоль - 5 нафар бўлажак жаҳон чемпионларига эга жамоа эди. Улар исталган рақибни енгишга қодир эди, лекин таркиб чуқурлиги етишмаган.
7. «БЕНФИКА»
(Португалия) — 2009|10
Бош мураббий: Жорже Жезуш.
Натижалари: Португалия чемпиони, Португалия Кубогида 1|16 финал, Европа Лигасида чорак финал.
Ди Мария, Давид Луис, Рамирес, Карвальо, Кардосо - барчаси энг юқори формасида бўлган. Жамоа эса юқори темпдаги ҳужумкор ўйин кўрсатган ва дунёга Португал лигаси ҳам анча шиддатли эканини кўрсатган.
8. «РБ ЛЕЙПЦИГ»
(Германия) — 2020|21
Бош мураббий: Юлиан Нагельсманн.
Натижалари: Бундеслигада 2-ўрин, Германия Кубогида финал, ЕЧЛда 1|8 финал.
Анхелиньо, Упамекано, Забитцер, Нкунку, Дани Ольмо... Бу жамоа тактик жиҳатдан чинакам мувозанатли ва кучли эди.
9. «МАЛАГА»
(Испания) — 2011|12
Бош мураббий: Мануэль Пеллегрини.
Натижалари: Ла Лигада 4-ўрин, Испания Кубогида 1|8 финал.
Касорла, Хоакин, Исла, Демичелис, Ван Нистелрой, Монреаль... - таркиб яхши тузилган. Бу жамоа кейинги йили ЕЧЛда чорак финалга чиққан, аммо шу босқичда «Боруссия Дортмунд» билан баҳсда можароли тарзда тўхтаганди. Лекин улар бутун Испания мухлислари қалбидан алоҳида ўрин эгаллашган.
10. «РЕНН» (Франция) — 2020|21
Бош мураббийлар: Жюльен Стефан, Филипп Бизюль, Бруно Женезьо.
Натижалари: Лига 1да 6-ўрин, Франция Кубогида 1|32 финал, ЕЧЛда ўз гуруҳида сўнгги ўрин.
Рафинья ва Эдуар Менди кетганидан сўнг Доку келган ва кейинчалик юлдузга айланган. Бу жамоа кейинги муваффақиятлар учун пойдевор бўлган.
11. «ТОТТЕНХЭМ»
(Англия) — 2016|17
Бош мураббий: Маурисио Почеттино.
Натижалари: АПЛда 2-ўрин, Англия Кубогида ярим финал, Англия Лига Кубогида 1|8 финал, Европа Лигасида 1|16 финал.
Кейн, Сон, Эриксен, Алли, Уокер, Вертонген и Льорис - юқори темпда, иштиёқ билан ўйнаган. Лекин титул учун етарлича тажриба етишмаган.
12. «ПОРТУ»
(Португалия) — 2010|11
Бош мураббий: Андре Виллаш-Боаш.
Натижалари: Португалия чемпиони, Европа Лигаси ғолиби, Португалия Кубоги соҳиби.
Фалькао, Халк, Моутиньо, Отаменди, Роланду - барчаси фаолиятининг пик формасида бўлган. Жамоа барча фронтда ғолиб чиққан.
