«Манчестер Юнайтед» марказий ярим ҳимоячиси Каземиро «қизил иблислар» таркибидаги фаолиятини давом эттиришга қарор қилди.
Манбада таъкидланишича, футболчининг бундай қарорига май ойи охирида Бразилия миллий жамоасига чақирилиши таъсир қилган. Каземиро 2026 йилги жаҳон чемпионатида иштирок этишни хоҳлайди ва АПЛда ўйнаш орқали буни амалга ошириш имкониятларини кўпроқ деб ҳисоблайди дейилади Mirror хабарида.
Эслатиб ўтамиз, июн ойининг бошида 33 ёшли футболчи деярли икки йиллик танаффусдан сўнг Бразилия миллий жамоасига қайтиб, Эквадор (0:0) ва Парагвайга (1:0) қарши 2026 йилги жаҳон чемпионатига саралаш ўйинларида майдонга тушди.
