Туркия футбол иттифоқи букмекерлик можароси бўйича биринчи расмий қарорини эълон қилинди. Унга кўра, тергов натижаларига асосан 149 нафар ҳакам 8 ойдан 12 ойгача мусобақалардан четлатилди.
Аввалроқ федерация 571 ҳакам бўйича текширув бошлаган, улардан 371 нафари букмекерлик фаолиятида иштирок этгани маълум бўлганди. Уларнинг айримлари қоидаларни қўпол равишда бузган масалан, бир ҳакам 18 277 марта, яна 10 нафари 10 минг мартадан ортиқ пул тиккан.
Энди федерация мазкур ҳолат юзасидан жазо чораларини амалга оширди. Шу билан бирга, уч нафар ҳакамга нисбатан текширув ишлари ҳануз давом этмоқда.
Маълумотларга кўра, тергов жараёнида тахминан 3700 футболчи ҳам букмекерлик фаолияти билан боғлиқ бўлгани аниқланган.
