Трансфер суммаси бўйича ўсиш ва пасайиш

Энг охирида Испания Ла Лигаси вакилларига тегишли янги кўрсаткичлар эълон қилинди. 

*****

Ла Лигага доир асосий янгилик шуки, «ПСЖ»дан «Реал»га ўтган ҳужумчи Килиан Мбаппенинг трансфер қиймати 20 миллион евро даражасида арзонлашди. Энди франциялик 26 ёшли футболчининг ёрлиғи 160 миллион еврога баҳоланмоқда. Айтиш керак, Килиан 2022 йилнинг ноябрь ойидан буён трансфер суммаси бўйича йўқотишга дуч келмаётган эди. Ўша йилнинг декабрида Мбаппенинг ҳуқуқи 180 миллион еврога баҳоланган ва у 2 йил давомида бу кўрсаткични сақлаб келганди. «Барселона» вингери Ламин Ямалнинг бозор қийматига эса бирданига 30 миллион евро қўшилди. Испаниялик вундеркинд шу тариқа 180 миллион евро маррасини забт этди. 17 ёшли йигит шунинг баробарида Ла Лиганинг энг қимматбаҳо футболчилари рўйхатида 2-3-ўринга кўтарилди. Яққол етакчи - Винисиус Жуниор («Реал»)нинг трансфер нархи - 200 миллион евро. 

Ла Лиганинг энг қимматбаҳо футболчилари

1. Винисисус Жуниор («Реал») - 200 млн. евро

2. Жуд Беллингем («Реал») - 180 млн. евро

   Ламин Ямал («Барселона») - 180 млн. евро 

4. Килиан Мбаппе («Реал») - 160 млн. евро 

5. Федерико Вальверде («Реал») - 130 млн. евро 

6. Родриго («Реал») - 100 млн. евро 

   Педри («Барселона») - 100 млн. евро

8. Орельян Тчуамени («Реал») - 80 млн. евро 

   Эдуардо Камавинга («Реал») - 80 млн. евро 

   Гави («Барселона») - 80 млн. евро

*****

2024 йил давомида трансфер баҳоси бўйича энг катта ўсишга эришган футболчилар рўйхатига қарасак, Ламин Ямал 1-ўринда. Йил бошида 90 миллион еврога баҳоланган «Барселона» жавоҳири қийматига нақ икки ҳисса ошди. «Челси»да етакчиликни қўлга олган Коул Палмерда эса ўсиш даражаси 85 «лимон»ни ташкил этди.

2024 йил давомида трансфер суммаси энг кўп ошган футболчилар

1. Ламин Ямал («Барселона», Испания) - 180 млн. евро (+90 млн.)

2. Коул Палмер («Челси», Англия) - 130 млн. евро (+85 млн.)

3. Винисиус Жуниор («Реал», Бразилия) - 200 млн. евро (+50 млн.)

4. Коби Майну («МЮ», Англия) - 55 млн. евро (+49 млн.)

5. Александар Павлович («Бавария», Германия) - 50 млн. евро (+48 млн.)

6. Омар Мармуш («Айнтрахт», Миср) - 60 млн. евро (+45 млн.)

7. Флориан Вирц («Байер», Германия) - 140 млн. евро (+40 млн.)

   Эстевао («Палмейрас», Бразилия) - 50 млн. евро (+40 млн.)

9. Пау Кубарси («Барселона», Испания) - 40 млн. евро (+38,5 млн.)

10. Морган Рожерс («Астон Вилла», Англия) - 40 млн. евро (+37,2 млн.)

*****

2024 йил давомида трансфер суммаси бўйича қулашга юз тутган футболчилар ҳам етарли, албатта. Энг катта пасайиш «ПСЖ»да ўйинини йўқотиб қўйган Рандаль Коло-Муанида: -45 миллион евро. «Наполи»дан «Галатасарой»га йўл олган Виктор Осимхен эса 35 миллион евро йўқотди. «Бавария»да ишлари орқага кетган Лерой Сане ҳам шунча арзонлашди. 

2024 йил давомида трансфер суммаси энг тушган футболчилар

1. Рандаль Коло-Муани («ПСЖ», Франция) - 45 млн. евро (-40 млн.)

2. Виктор Осимхен («Галатасарой», Нигерия) - 75 млн. евро (-35 млн.)

   Лерой Сане («Бавария», Германия) - 45 млн. евро (-35 млн.)

4. Габриэль Мартинелли («Арсенал», Бразилия) - 55 млн. евро (-30 млн.)

   Кингсли Коман («Бавария», Франция) - 35 млн. евро (-30 млн.)

   Неймар («Ал-Ҳилол», Бразилия) - 15 млн. евро (-30 млн.)

   Милан Шкриньяр («ПСЖ», Словакия) - 15 млн. евро (-30 млн.)

8. Федерико Кьеза («Ливерпуль», Италия) - 22 млн. евро (-28 млн.)

9. Жошуа Киммих («Бавария», Германия) - 50 млн. евро (-25 млн.)

10. Кристофер Н~Кунку («Челси», Франция) - 50 млн. евро (-25 млн.)