“Динамо” - “Андижон” (2:0) баҳсидан кейинги матбуот анжуманининг иккинчи қисмида мезбонлар устози Вадим Абрамов қатнашди.
- Доимгидек, мавсум тугаётганда ўйинлар қийин ўтади. Иккинчи голни урганимиздан сўнг бироз хотиржамликка берилдик. Рақибга имкониятни бериб қўйдик. Уларни ҳам бир қатор кучли жиҳатлари бор. Дарвозамиз томонда кўп бурчак зарбалари амалга оширилди. Ўйинни ташлаб қўйганимиздан кейин рақибга имкониятни бой бердик ва бир қатор хавфли вазиятларни яратишди. Биз албатта мухлисларимиз учун ўйнаймиз. Ўйинни янада кўпроқ вақт назорат қилишимиз керак.
- Биринчи бўлимдан кейин Улуғбек Ҳошимовни алмаштирдингиз. Унинг ўйини ҳақида нима дея оласиз?
- Жароҳатидан қайтганидан сўнг биринчи ўйини эди. Биламизки, аста-секин тикланиб боради. Шу сабабли уни алмаштирдик.
- Бу “Динамо”даги 101-ўйинингиз бўлди ва мухлислар сизни ғалаба билан табриклашди.
- Тўғриси, мен бу ҳақида билмасдим. Статистика билан шуғулланмайман. Албатта, бу анча ёқимли ва бунинг учун ҳаммага раҳмат. Хурсандман. Шу билан бирга йигитларга меҳнати учун катта раҳмат. Айниқса, юбилей учрашув доим қийин ўтади.
- Бир қатор ўйинчиларга етакчи жамоалардан таклифлар бўлаётганини эшитяпмиз. Масалан, Ратинони кетиши мумкинлиги ҳақида гап-сўзлар бор...
- Эҳтимол шундайдир. Бизни вазифамиз эса уларни сақлаб қолиш. Кўрамиз, ҳаракат қиламиз, ҳаммасини вақт кўрсатади. Ҳозирдан бирор нима дейиш қийин. Чиндан футболчиларга таклифлар бўляпти.
- Охирги иккита ўйин ҳал қилувчи аҳамиятга эга. Бундай имкониятни қўлдан чиқариб юбормаслик керак...
- Олдиндан нима бўлиши ҳеч ким билмайди. Нима бўлишини билсанг, олдиндан режаларингни ёзиб берар эдинг. Албатта, жиддий ёндашамиз. Мавсум тугаяпти, жамоамиз юқори ўринда кетяпти. Бу имкониятдан фойдаланиш керак. Йигитларни ҳам тўғри тушунаман. Мавсум тугаб боряпти, мухлисларимизни ранжитишни хоҳламаймиз. Доим бизни қўллаб-қувватлашларини сўраймиз, улар учун ўйнаймиз. Бу футбол, унда ҳамма нарса бўлиши мумкин.
- Марко Станоевичнинг бугунги ўйини ҳақида қандай фикрдасиз?
- Албатта, таркибда бир қатор йўқотишлар бор. Бетобланганлар кўпайиб кетди. “Қўқон-1912” билан ўйингача яхшироқ тайёргарлик кўришимиз лозим. Биз Маркога раҳмат айтишимиз керак. Жамоага кўп ёрдами тегяпти. Ақлли футболчи. Биз ундан яна кўп нарса кутяпмиз. Кучли томонларини биламиз ва у билан режаларимиз бор.
- Жамоа 6та ўйиндан 5тасида ғалаба қозонди. Таркибда йўқотишлар ҳам бор. Қолганларни қандай руҳлантиряпсиз?
- Бу борада менда катта тажриба бор. Қайси жамоалар билан ишлаган бўлсам, бундай муаммолар бўлган. Мавжуд вазиятдан чиқиб кетиш йўлларини эса яхши биламан. Бу тажриба билан боғлиқ.
Манба: “Андижон” матбуот хизмати
