Эслатиб ўтамиз, «Реал» (Мадрид) ва «Реал Сосьедад» (2:1) учрашувида «қироллик клуби» ҳимоячиси Дин Ҳаусен рақибнинг қарши ҳужумини тўхтатгани учун Хесус Хиль Мансано томонидан биринчи бўлимда майдондан четлатилган эди. У Микель Ойарсабални майдон марказида йиқитган.
«Мен Ҳаусенга берилган қизил карточка ҳақида фикр билдирмоқчи эмасман. Ҳақамлар техник қўмитаси ВАР аралашиши керак эдими ёки йўқми, шу ҳақда қарор қабул қилади.
Аммо мен ВАР ҳақида мулоҳаза юритмоқчиман. Менимча, биз ВАРдан учинчи дивизиондаги каби фойдаланиш йўналишига ўтишимиз керак – у ерда ВАР хонасидан сигнал кутиб ўтирилмайди, балки мураббийларда икки марта такрорий кўриб чиқишни сўраш ҳуқуқи бор. Бу кўплаб баҳсларга барҳам берган бўларди.
ФИФА учинчи дивизионда ушбу тизимни синовдан ўтказмоқда, лекин бу менга ёқади. Биз бу ҳақда ўйлаб кўришимиз керак, эҳтимол бу ВАРнинг тўғри модели бўлиши мумкин», – деди Ла Лига президенти.
