АНА, ХОЛОС! Тен Хагнинг сабри тугаяптими?
«МЮ» бош мураббийи Эрик тен Хаг «Бернли»га қарши ўйин олдидан ўтказилган матбуот анжуманида 3та нашр журналистлари берган саволларга қулоқ тутишни ҳам хоҳламади
«Ювентус» ярим ҳимоячиси Адриен Рабьо ортда қолган ФИФА кунлари вақти Франция миллий жамоаси лагерида бўлди.
Турин клуби расмий сайти эса чемпионатда юзага келган танаффусдан фойдаланган ҳолда, франциялик футболчини суҳбатга чорлади. Бош мавзу - ярим ҳимоячининг келажаги. Бинобарин, Адриен ва «Ювентус» ўртасидаги шартнома жорий мавсум якунида ўз кучини йўқотади.
- Адриен, амалдаги шартномангиз жорий йилнинг ёзига қадар мўлжалланган. Хўш, келажак бўйича аниқ режангиз борми?
- Йўқ, ҳар ҳолда, келажак масаласида ҳали бирор тўхтамга келмадим. Ўтган йили еврокубокда ўйнамаслигимизни билгач ҳам, «Ювентус»да қолишни маъқул кўргандим. Шахсан ўзим учун жуда муҳим танлов! Кейинги мавсум эса «Юве» ЧЛда қатнашиши керак, қолаверса, Клублар ўртасидаги жаҳон чемпионатига ҳам борамиз. Хуллас, барчасини обдон ўйлаб кўриш талаб этилади. Лекин қайтараман, ҳали қолиш ёки кетиш борасида якуний қарорга келганим йўқ.
- Унда қачон қарор чиқарасиз?
- Мавсум тугашини кутяпман, шундан сўнг клуб вакиллари билан бемалол музокара бошлаш имкони туғилади. Ҳозир эса бор эътиборимни бўлажак ўйинларга қаратишим керак, зеро, мавсумни яхши якунлашимиз зарур. Қолаверса, Европа чемпионатига тўлақонли тайёргарлик кўриш учун кичик жароҳатлардан қочиш ҳам муҳим. Хуллас, қарор қабул қилишда асло шошилмайман. Ҳаммасини тарозига солиб кўрмасам бўлмайди, чунки фаолиятимнинг энг муҳим палласига қадам ташлаяпман. Франция миллий жамоасида сардорлик боғичини олганим ҳам худди клубдаги каби термада ҳам кейинги даражага ўтганимдан далолатдир. Мураббий мени жуда яхши билади, у билан кўп жиҳатларни муҳокама қиламиз. Якуний гап унда. Менимча, Европа чемпионатига хотиржам киришиш учун стартдан олдин якдил тўхтамга келишим керак.
- «ПСЖ»дан яна таклиф тушгани ростми?
- «Ювентус» сафига қўшилганимдан буён ҳар йили мени «ПСЖ»га «боғлаш»лари оддий ҳолга айланиб қолди. Бир томондан, бундай қизиқиш ва эътибор ўзимга ёқади. Иккинчи тарафдан, трансферлар бўйича ишлар қандай ривожланишини тушуниш қийин. Умуман, сиз футболда эшикларни ҳеч қачон қаттиқ ёполмайсиз. Тўғри, «ПСЖ» вариантига ҳеч қачон устувор йўл сифатида қарамаганман.
- Поль Погба дисквалификациясига қандай муносабат билдирасиз?
- Шундай ҳолат содир бўлгани жуда ачинарли. Поль билан ҳамон алоқадаман, мунтазам равишда гаплашиб турибман. Дейлик, яқинда ҳам Туринга келди. Билишимча, апелляция бериш учун дисквалификациянинг аниқ сабаблари келтирилишини кутган. Умид қиламанки, Погбага нисбатан тайинланган жазо юмшатилади охир-оқибат. Унинг ўзи ҳам 4 йил жуда узоқ муддат эканлигини айтди. Ўйлайманки, якунда ечим топилади...
М.ПЎЛАТОВ тайёрлади
«МЮ» бош мураббийи Эрик тен Хаг «Бернли»га қарши ўйин олдидан ўтказилган матбуот анжуманида 3та нашр журналистлари берган саволларга қулоқ тутишни ҳам хоҳламади
Яқиндагина «Бавария»ни Бундеслига тахтидан ағдарган ҳолда, тарихда илк марта Германия чемпионига айланган «Байер» шу билан тўхтаб қолмоқчи эмас.
Ўзбекистон миллий жамоаси ва «Пахтакор» клуби собиқ бош мураббийи, россиялик таниқли мутахассис Валерий Непомняший ҳамюртимиз Аббос Файзуллаевни ЦСКА - «Ахмат» ўйини (1:2)даги сариқ карточка учун айблашга асос йўқлигини таъкидламоқда.
Introduction about the author of this blog
Манзил
214 West Arnold St. New York, NY 10002
Phone
+(123) 345-6789