АНА, ХОЛОС! Тайрон, бу қандай аҳмоқлик?
ЧЛ-2024|2025да жуда зўр старт олган «Астон Вилла» лига босқичи 4-турига келиб, биринчи мағлубиятни тан олди.
Ҳар ҳолда, Лига 1нинг 8та ўйинида 4та гол - бу 31 ёшли фахрий учун чакки статистика эмас. Бироқ «Лион»нинг янги сардори самарадорлик баробарида кўзда тутилмаган ноодатий муаммога ҳам йўлиқди.
Александр Лаказетт «Монако»га қарши ўйиндан сўнг журналистлар олдига чиқди ва саволларга ўта бўғиқ овозда жавоб берди. Оқибатда футболчи ижтимоий тармоқларда калака остида қолди. Энди Алексни овози туфайли Микки Маусга қиёсламоқдалар ва ундан имкон борича тез-тез интервью беришини сўрамоқдалар. Лекин бўғиқ овознинг сабаби жиддий ва бу умуман кулгили ҳолат эмас. Лаказеттда овоз пайчалари полипи бор. У шу туфайли ФИФА кунларидаги танаффус вақти жарроҳлик столига ётади. Аслида Лаказетт бир неча ойдан буён одатий овоз чиқаролмай, қийналаётган экан. Айтишларича, франциялик футболчи мавсумнинг энг муҳим палласида янги жамоасини мураккаб аҳволда қолдиришни истамай, операцияни сентябрь ойи охирига қолдирган.
Полип нима? Бу бир ёки иккала овоз пайчасининг устида ривожланадиган хавфсиз ўсимта. Ушбу хасталикнинг аниқ сабаблари номаълум, аммо шифокорларнинг тахминларига кўра, бунга кўпинча чекиш ёки овоз тўқималарини ҳаддан ташқари зўриқтириш сабаб бўлиши мумкин. Хасталик белгилари ҳам оддий - хириллаш, йўталиш, шунингдек, овознинг ўзгариши ёки бўғилиш. Полип - қўшни тўқималардан ажратиб турадиган аниқ қиррали қизил шакл. Овоз тўқималарини даволашнинг бир неча усуллари мавжуд - жарроҳлик, оддий терапия. Лаказетт ҳолатида эса биринчи вариант зарур. Эътиборлиси, операциядан кейин бир неча кун давомида гапирмаслик талаб этилади.
