ЛЕГИОНЕРЛАРИМИЗ: Баракали душанба
Душанба куни хориждаги футболчиларимиз учун баракали келди.
Жорий йилги мавсумга катта ўзгаришлар билан киришган Бекободнинг «Металлург» жамоаси Суперлиганинг иккинчи давраси 14-турида - Тошкент вилояти дербисида АГМК меҳмони бўлганди.
Ўша ўзига хос «жанг»да меҳмонлар ярим ҳимоячиси Дамир Темиров томонидан урилган ягона - Миржалол Қосимов услубидаги гол Луисма Эрнандес шогирдларига ғалаба келтирганди. Қизиғи, бундай голдан айнан Қосимов жамоаси азият чекди. Бутун бекободлик мухлислар қаҳрамонига айланган футболчи ўша учрашув ва бош-қа бир қатор қизиқарли мавзуларда гапириб берди.
- Келинг, суҳбатимизни шиддатли дерби ҳақида бошласак.
- Томошабоп ва курашларга бой кескин ўйин бўлди. Чинакам Тошкент вилояти дербиси бўлди. Иккинчи даврани муносиб бошлай олдик. Мухлислар ва жамоадошларимга раҳмат айтаман.
- «Металлург» бу йил иккита ўйинда ҳам АГМКни мағлуб этишга эришди...
- Ҳа тўғри, биз ҳар бир ўйинга рақибдан келиб чиқиб тайёргарлик кўрамиз. Уларни ўрганамиз. Мураббийлар бу борада тегишли кўрсатмаларни беришади. Насиб қилса яна мухлисларимизни мана шундай ғалабалар билан хушнуд этамиз.
- Бурчакдан тўғри рақиб дарвозасини ишғол қилдингиз. Бу қандай амалга ошди? Мақсад тўпни дарвозага йўлашмиди ёки...?
- Биласизми, машғулотларда стандартлар устида кўп ишлаймиз. Голга келсак, бу мана шу машғулотлар самараси, деб ўйлайман. Ҳа, омадим келди. Умид қиламанки, бу охиргиси бўлиб қолмайди. Мазкур голим туфайли жамоа-га ёрдамим текканидан хур-сандман.
- Жорий йилги Суперлига баҳслари барча жамоалар сингари «Металлург» учун ҳам осон кечмаяпти. Хўш, қайд этилаётган натижаларга раҳбарият қандай муносабатда?
- Бугунги натижадан ҳаммамиз хурсандмиз, лекин турнир жадвалидаги ҳолатимиздан қониқиш ҳосил қилмаяпмиз. Олдинга ўсишда давом этишимиз керак.
- Она шаҳрингиз бош жамоаси «Динамо» иккинчи давра арафасида сизни орт-га қайтармоқчи бўлгани қанчалик ҳақиқатга яқин?
- Ҳа тўғри, шундай таклиф бўлди. Лекин бу ҳақда гапиришни хоҳламайман.
- Испаниялик мураббийнинг футболчиларга қўяётган асосий талаби нималардан иборат?
- Умуман олганда биздан профессионал бўлишни талаб қилади. Футболчи сифатида ўсишимиз ва жамоа ўйинини кучайтириш мумкин бўлган ҳар қандай вазиятда кўрсатмаларни атрофлича тушунтиради.
- Луисма Эрнандес ўзаро суҳбатларда ўзбек футболчилари ва Суперлигамиз савияси ҳақидаги фикрлари билан ўртоқлашадими?
- Бизнинг бор эьтиборимиз ўйинимизни кучайтириш ва бўлажак учрашувларга қаратилган. Бош мураббийимиз ҳамиша бизга ҳеч бир жамоадан кучсиз эмаслигимизни таъкидлайди.
ХУРШИД суҳбатлашди.
Душанба куни хориждаги футболчиларимиз учун баракали келди.
«Байер»нинг турли мусобақалардаги 43 учрашувида 36 балл жамғарган мерган - 20 ёшли Флориан Виртц, Хаби Алонсонинг кутилмаган кашфиёти.
Тан олиш керак, 6-турнинг сешанба кунги 2 учрашувида 7 тадан гол киритилиши ва ҳар иккисида ҳам Тошкент вилояти жамоалари мағлуб бўлиши ғалати ҳол бўлди.
Introduction about the author of this blog
Манзил
214 West Arnold St. New York, NY 10002
Phone
+(123) 345-6789