Энг хунук якун ёхуд акаси вафот этган дарвозабонни футболдан кўнгли совуб кетди...

Посбон оғир жудоликка қарамай ўзида куч топиб, 15-июль куни жамоаси “Ал-Иттиҳод” (Миср) сафида навбатдаги ўйинда майдонга тушди. Не тонгки, шу куни на Аҳмаднинг ва на “Иттиҳод”нинг куни эди. Ҳаммаси жамоа 0:5 ҳисобида “Керамика Клеопатра” клубига ютқазаётган паллада юз берди. Аҳмад ҳимоя қилаётган дарвоза ортидаги мухлислар тинмасдан ҳуштак чалиб, уни ҳақорат қиларди.

Охир-оқибат унинг асаблари дош беришдан тўхтади. Яҳё 79-дақиқада қўлқопларини ечиб, майдондан хафа ва норози ҳолда чиқиб кетди. Бу орада уни жамоадошлари билан бир қаторда рақиб жамоадагилар ҳам юпатишга ҳаракат қилди. Бироқ у қайтмади. 

Шу воқеанинг эртасига (16-июл) эса Аҳмад Яҳё 34 ёшида футболчилик фаолиятини якунлаганини эълон қилди…  
Ҳа, футболчи ҳам одам. Афсуски, ба’зан биз мухлислар буни тушунишни истамаймиз…

Манба: @FutGol_UZ