Футбол атрофида: Ёқимли ижод намунаси

16 May, 2023 5 дақиқа ўқиш 519 Кўрилди

0 comments 0 likes

«Вест Хэм»га қарши муҳим ўйин олдидан мактабнинг ёш ўқувчилари «Манчестер Сити» футболчиларига ўзгача ёқимли совға ҳозирлашди.

Улар шунчаки, таркибнинг асосий вакилларини қандай тасаввур қилишларини оддий оқ қоғозда кўрсатишди - ажойиб ижод намунаси. Болаликда ҳамма ҳам шу йўсинда сурат чизади...

«Манчестер Сити» аввалги чоршанба оқшоми АПЛ 28-тури доирасидаги қолдирилган ўйинда «Вест Хэм»ни қабул қилди ва 3:0 ҳисобида ғалаба қозониб, чемпионлик сари катта қадам ташлади. Хосеп Гвардиола жамоаси голларига Натан Аке, Эрлинг Холанд ва Филипп Фоден муаллифлик қилишди.

Таъкидланишича, «Манчестер Сити» матбуот хизмати учрашув арафасида мактаб ўқувчиларидан тузилган «Крэйвенвуд» жамоаси аъзоларидан жамоа футболчиларини битта суратда акс эттиришни сўради. Муҳими, ёш ўқувчи-мухлислар бу вазифани аъло даражада бажаришди. Эҳтимолки, ҳали бу суратни кимдир сотиб олишни ҳам истаб қолар...