ФУТБОЛ АТРОФИДА: «Ибра» гаражига саёҳат

Одатда, нафақадагилар кўпинча гаражга боришади, у ерда улар иш ва дўстлари билан вақт ўтказишади. Швед афсонасида эса жуда кўпчилик орзу қиладиган гаражи бор. Златан ажойиб автомобиллар тўпламига эга, жумладан, 1,7 миллион фунт стерлинглик Ferrari Daytona SP3.

Швед футболи афсонаси, шунингдек, 1 миллион фунт стерлингдан ортиқ бўлган ажойиб «Ferrari Monza»га эга.

Ибрагимович «Милан» машғулотларига 160 минг фунт стерлинглик «Lamborghini Urus»да борарди.

«Ибра» ўзининг 40 йиллиги учун «Ferrari Sf90 Stradale»ни 400 минг фунт стерлингга сотиб олганди. У ижтимоий тармоқларда ўз ёлловчисининг суратини баҳам кўрди ва суратга «туғилган кунинг билан, Златан»деб ёзди. Бу Ferrari тарихидаги биринчи гибрид автомобиль бўлиб, соатига 340 км. тезликка чиқа олади.

Бироз вақт ўтгач, Златан уни «Daytona SP3»га 1,7 миллион фунт стерлингга алмаштирди.

2019 йилда Ибрагимович ўзининг 38 ёшга тўлиши муносабати билан ноёб «Ferrari Monza SP2»ни нақ 1,4 миллион фунт стерлингга сотиб олди. У дунёдаги бундай суперкарга эга бўлган 499 кишидан бири. Ультра тез автомобиль тахминан 2,9 сонияда 100 км|соат тезликка чиқа олади.

Дунёда атиги 400та Ferrari Enzo автомобили бор ва Златан улардан бирига эга. Бироқ, журналистлар уни ушбу машина рулида камдан-кам ҳолларда кўришган.

Златан чекланган миқдордаги ҳамма нарсани яхши кўради. Шунинг учун бўлса керак, у 2014 йилда «Porsche Spyder»ни 700000 фунт стерлингга сотиб олган. Ҳаммаси бўлиб 918та бундай суперкар модели ишлаб чиқарилган бўлиб, улар 2015 йилда тўлиқ сотилган.

2011 йилда швед форварди «GranTurismo MC Stradale»ни тахминан 92000 фунт стерлингга сотиб олди.

2014 йилда Златан швед автомобил ишлаб чиқарувчи концерни - «Volvo»нинг элчиси бўлиб, бир қатор реклама роликларида иштирок этди. Ва у «МЮ» машғулотларига тез-тез «Volvo XC90» да борган.

 А.АБДУВАЛИХЎЖАЕВ тайёрлади