Камбағаллар учун «Сака»

Бир қарашда, у ташқи кўриниши билан Томас Партини ҳам эслатиб юборади. «Янги Сака»нинг на манзили ва на исм-шарифи маълум. Лекин ижтимоий тармоқларга чиққан видеолавҳага қараб, унинг тўп билан ишлашда чакки эмаслигига ишонч ҳосил қилиш мумкин.

«Арсенал» хавбеки Букайо Сака 2022 йилнинг энг яхши футболчиларидан бири бўлди, шубҳасиз. Англиялик иқтидор Евро-2022 финалидаги ҳал қилувчи хатосини оғриқли қабул қилди ва шундан сўнг ҳам «Арсенал», ҳам терма жамоада етакчилар гуруҳига қўшилди. Букайо жорий мавсум янада юксалди. Дейлик, март ойида АПЛ лауреатига айланди. Йилнинг 3-ойи чемпионат доирасидаги 4та ўйинда 3та гол ва 2та самарали узатма қайд этган 21 ёшли англиялик сўровда Александер Исаак («Ньюкасл»), Алексис МакАллистер («Брайтон»), Тайрон Мингз («Астон Вилла»), Муҳаммад Салоҳ («Ливерпуль») ва клубдоши Леандро Троссардни ортда қолдирди. 

Тўғри, Сака ва «Арсенал» охирги ўйинларда катта хафагарчилликка юз тутди. «Канонирлар» жумладан, «Манчестер Сити»га қарши кечган сафар ўйинида шунчаки, «куйиб қолишди» ва чемпион бўлиш имкониятини кескин камайтиришди. Футболчининг қиёфадошига келсак, у ижтимоий тармоқларда аллақачон «Янги Сака» ва «Камбағаллар учун Сака» каби таърифларга кўмилди.