Лукаку масаласи ҳал!?...

By Пўлатов Мухаммадхон 21 Jun, 2022 3 дақиқа ўқиш 933 Кўрилди

0 comments 0 likes

«Челси» ва «Интер» ўртасидаги ҳужумчи Ромелу Лукакунинг ижараси борасидаги музокаралар якунига етган кўринади.

Инсайдер Фабрицио Романонинг хабарига кўра, клублар 29 ёшли бельгиялик футболчининг ижараси учун «Челси»га 10 миллион евро тўлашга келишиб олишган. Ҳужумчи 2022/23 йилги мавсумда Италия клубида ўйнайди. Олдинроқ Италия ОАВларида «қора-кўклар» футболчининг трансферини келаси ҳафтада эълон қилмоқчи экани ҳақида хабарлар тарқалганди. Лукаку ўтган мавсумда «аристократлар» таркибида 44 ўйин ўтказиб, 15та гол урган ва 2та голга ассистентлик қилган. Бельгиялик ҳужумчи «Интер»га қайтишни исташини бир неча бор таъкидлаган.