Нигоҳ: Бу сафар ўхшар балки?

 1. Ҳар икки клуб ўз миллий чемпионатида асосий фаворит ва бош куч ҳисобланади.  2. Ҳар икки клуб молиявий томондан ўта бақувват. 3. Ҳар икки клуб энг сара юлдузларга эга ва маош беришда ҳам ўта сахий. Яна бир ўхшашлик эса ЧЛга боғлиқ.

Ҳа, айтиш ҳам шарт эмас, БАА миллиардлари билан қувватланган «Манчестер Сити» худди олиҳиммат қатарликлар туфайли моддий томондан камчилик сезмаётган «ПСЖ» каби ЧЛнинг «шалпангқулоқ» кубогига сира етолмаяпти. Жамоа эгалари бу борада қанчадан-қанча сарфлашди, Хосеп Гвардиолага талаб даражасида шароит яратиб беришяпти, аммо АПЛдагидан фарқли ўлароқ, ЧЛда натижа йўқ ҳамон. Эҳтимол бу сафар ўхшаб қолар... Лекин «шаҳарликлар» учун Истанбул финали йўли анча мураккаб. Улар аввалига раҳм билмас «Бавария»ни четга суришлари, кейин «Реал» - «Челси» жуфтлиги ғолибини доғда қолдиришлари керак.