Ракурс: 1 очко баҳоси қандай?

Гап таркибдаги футболчиларнинг умумий трансфер баҳоси ва тўпланган очколар миқдори ўртасидаги нисбат ҳақида кетмоқда.

Демак, таркибининг умумий баҳоси 167 миллион еврога баҳоланган «Унион» Бундеслиганинг дастлабки 23 турида 44 очко ишлади. Бу Берлин жамоасининг ҳар ҳар бир очкоси 3,1 миллион еврога тушаётганидан далолат. Топ-5 лигадаги бошқа бирор клуб бундай камхаржлик билан мақтанолмайди. Бу борада 2-ўрин Лига 1да «ПСЖ»ни таъқиб этишга уринаётган «Марсел»га тегишли: 271 миллион евролик таркиб билан 55 очко (1 очконинг баҳоси - 4,7 миллион евро). Таққослаш учун айтсак, Франция чемпионати гегемонии - «ПСЖ»нинг бир очкоси 16 миллион еврога тушмоқда. Лекин бу Европанинг кучли 5та лигаси бўйича 10-яхши натижадир. Яъни жами 98та клубнинг аксариятида очко баҳоси 16 «лимон»дан қимматроқ.