Нур билан қопланган орзу
Диёр Холматов туғилган 2002 йилда Оксана Чусовитина Олимпия олтин медалини, бир нечта жаҳон чемпионлиги унвонларини ва бошқа кўплаб мукофотларни қўлга киритган эди.
Европанинг ички биринчиликларида энг кўп ғалаба қозонган клубни биласизми? Бу - «Линфилд»! Шимолий Ирландия чемпионати иштирокчиси якунланган мавсум ўз тарихида 56-марта олтин медаль ютиб, бу борада мутлақ рекордчига айланди.
Охирги мавсумга қадар Европада чемпионлик сони бўйича икки клуб етакчилик қилаётганди - «Линфилд» ва «Глазго Рейнжерс». Шотландия жамоаси бу сафар олтин медаль учун курашда «Селтик»ка бас келолмади. Узоқ 1886 йили тузилган Белфаст клуби эса қаторасига 4-марта Шимолий Ирландия чемпиони бўлиб, олтин медаллар сони бўйича Европа рейтингида мутлақ 1-ўринга кўтарилди.
«Линфилд» ёхуд «Гленторан» (жамоанинг яна бир номи) мамлакат Премьер-лигасида қаторасига 23 мавсум ғолиб чиққан - бу ҳам рекорд. Қолаверса, рекордчи клуб 22 марта «олтин дубль» (чемпионлик + кубок) қайд қилган. Тўғри, «Линфилд» еврокубоклардаги катта натижаси билан мақтанолмайди. Унинг энг яхши иштироки мавсум-1966/1967да кузатилган. Белфастликлар ўшанда Европа Чемпионлар кубоги турнири чорак финалига чиқишганди.
*** Европа миллий чемпионатларида энг кўп ғолиб чиққан клубларнинг кучли бешлигида қитъада олдинда турувчи 5та лига (Англия, Испания, Италия, Германия ва Франция)дан бирор вакил йўқ.
*** Европа миллий чемпионатларида энг кўп ғолиб чиққан клубларнинг кучли учлигида Шотландия Премьер Лигасидан икки вакил бор - «Рейнжерс» ва «Селтик». Шу икки клуб ҳисобида нақ 107та чемпионлик кубоги бор!
Европа клуб футболидаги энг илҒор чемпионлар
№ Клуб Мамлакат Марта
1 «Линфилд» Ш.Ирландия 56
2 «Рейнжерс» Шотландия 55
3 «Селтик» Шотландия 52
4 «Олимпиакос» Греция 47
5 «Бенфика» Португалия 37
6 «Ювентус» Италия 36
«Аякс» Нидерландия 36
«Спарта» Чехия/Чехословакия 36
9 «Реал» Испания 35
10 «Андерлехт» Бельгия 34
