Роналду голларини 1000тага етказа оладими?...

Яқинда 38 ёшли форвард тўпурарлик борасидаги режалари билан ўртоқлашди: «Биз «Порту» президенти Пинто да Кошта билан гаплашиб қолдик ва у менга голларим сонини 1000тага етказишга уриниб кўришимни таклиф қилди. Минглик довонга етгунимча, аввал 900та гол уришим керак. 900та гол ура олишимга аминман, лекин тўпларни 1000тага етказиш учун анча тўсиқларни енгиб ўтишга тўғри келади. Ҳаётим ва фаолиятимда шундай воқеалар рўй бердики, қисқа муддатли режаларга асосан иш кўришимга тўғри келяпти. Ҳозирча, танам юкламаларни яхши кўтаряпти ва мен клуб ҳамда терма жамоа учун ўйнаб, гол уришда давом этяпман». Роналду клублар миқёсида жами 979та учрашув ўтказиб, 726та гол урган ва 231та ассист қайд этган. Португалия терма жамоасида тажрибали ҳужумчи 202 маротаба майдонга тушиб, 125та гол ва 44та ассист муаллифи бўлди.