Абадий қиролсан, Пеле!

By Хўжа Абдулаҳад AA 03 Jan, 2023 6 mins read 633 views

0 comments 0 likes

Жаҳон футболи Эдсон Арантис ду Насименту ёхуд Пелени ҳамиша чин қирол сифатида эслаши тайин.

Бинобарин, миллионлар ўйини (эҳтимолки, энди миллиардлар) ўз тарихида бразилиялик тўп афсунгаридек кенг кўламли юлдузни кўрган эмас. Ҳа, замонавий футболда Диего Марадона, Лионель Месси ёки Криштиану Роналдуни Пеледан устун қўядиганлар ҳам топилади етарлича. Лекин битта фактнинг ўзи Пеле футбол қироли мақомига тўла ҳақли эканлигини англатади. У жаҳон чемпионатида 3 марта ғолиб чиққан сайёра тарихидаги ягона футболчи! Оддий айтганда, шунчаки, ҚИРОЛ!

* Пеле - саёрамизда жаҳон чемпионатида 3 марта ғалаба нашидасини сурган ягона футболчи.

* Пеле - ФИФА Ўйин қўмитаси талқини бўйича XX асрнинг энг яхши футболчиси.

* Пеле - ХОҚ (Халқаро олимпия қўмитаси) талқини бўйича XX асрнинг энг яхши спортчиси.

* Пеле - Бразилия миллий жамоаси тарихидаги энг яхши тўпурар: 77та гол (Неймар билан бирга).

* Пеле - ФИФА талқини бўйича аср футболчиси.

* Пеле - ФИФА томонидан тақдим этилган рамзий (фахрий) «Олтин тўп» соҳиби.

ФУТБОЛНИ ЎЗГАРТИРГАНИНГ УЧУН РАҲМАТ, ПЕЛЕ!