«Брайтон»дан Тейлор Свифт мухлисларига мурожаат
«Брайтон» ўз етакчиларидан бири, япониялик ярим ҳимоячи Каору Митоманинг АПЛда август ойи лауреати бўлишини таъминлаш учун кутилмаган юришни ўйлаб топди.
Аргентиналик ҳужумчи «Галатасарой»да ҳам шоҳона ҳаётни ўрнига қўймоқда, имкон борича завқ олмоқда ҳар бир кундан. Мана, у яқинда жаҳондаги энг қимматбаҳо автомобилни сотиб олди. Аргентиналик футболчи бунинг учун чамаси 26 млн. евро баҳридан воз кечди.
Қимматбаҳо харид. Мауро Икардининг шоҳона хариди ҳақида биринчи бўлиб, L~Equipe нашри хабар тарқатди. Унга кўра, аргентиналик ҳужумчи эксклюзив Rolls Royce Boat Tail модели учун 26 миллион евро санаб берди. Ушбу машина техника эмас, инсон қўли воситасида тайёрланади. 1813 дона деталдан иборат «тойчоқ» тахминан 4 йил давомида «оёққа туради» ва ҳаммаси тўлиқ буюртмачи назорати остида бажарилади.
Нодир автомобиль. Ер юзида бундай машина атиги 3та, холос. Яъни Икардидан олдин Jay-Z ва Beyonce жуфтлиги ҳамда мавравид териш билан шуғулланувчи бизнесмен (шахси ошкор этилмаган) ҳам буюртма асосида Rolls Royce Boat Tail соҳибига айланган.
Элит сегмент. Автомобиль ташқи кўриниши билан яхтани эслатади ва табиат қўйнига сайр учун идеал даражада мос келади. Ҳар ҳолда, Rolls Royce Boat Tail мини музлаткич, Bovet соати, Christofle идишлар тўплами ҳамда пляж соябонига эга.
Юқори старт. Мауро Икарди «Галатасарой»да йилига чамаси 6 миллион евро миқдорида маош олади. Аргентиналик ҳужумчи жорий мавсум Туркия футболи грандининг жами 7та ўйинида қатнашиб, 7та гол урди ва яна 1тасига ҳаммуаллифлик қилди.
