Олимпиячиларимизнинг ҳар бири 30 минг АҚШ доллари билан тақдирланди...
Олимпиадага йўлланма олган Ўзбекистон олимпия жамоаси аъзолари пул мукофоти билан тақдирланди.
Эртанги ўйин ҳақида:
Авваламбор, бу босқичга етиб келган жамоаларни табриклайман. Шу ўринда, мухлисларимизга, футболчиларга, уларнинг ота-оналари ҳамда тарбиялаган мураббийларига миннатдорчилик билдираман.
Эртага бизни муҳим учрашув кутиб турибди. Тикланиш-тайёргарлик жараёнлари режа бўйича яхши ўтди, ўйлайманки, ярим финалда ўзимиз учун керакли бўлган натижани қўлга киритамиз.
Футболчиларнинг айни пайтдаги ҳолати ҳақида:
Биз терма жамоага энг муносиб номзодларни чақирганмиз. Бизда 23 нафар кучли футболчи бор. Улар индивидуал маҳоратли. Лекин биз учун жамоавий ўйин муҳим ҳисобланади. Айнан шунинг устида доимий ишлаб боряпмиз ва эътиборимизни шунга қаратганмиз.
Ж.Кореяга қарши ўйин услуби ҳақида:
Австралияга қарши ўтган баҳсда жуда кўп вазиятлар яратдик. Агар сиз ютишни хоҳласангиз, гол уришингиз, вазиятлар яратишингиз керак. Ж.Корея ҳужумда яхши ҳаракат қилади. Улар барча ўйинларда биринчи рақамли бўлиб ҳаракат қилишди. Жамоанинг ҳужум ва яримҳимоясида тезкор футболчилар бор. Бироқ биз ҳам ўзимизнинг ўйинимиз, режамиз бўйича майдонга тушамиз.
Шунингдек ҳужумчи Пўлатхўжа Холдорхонов ҳам ушбу учрашув хусусида ўз фикрларини қуйидаги тарзда билдириб ўтди:
- Барча юртдошларимизни Жаҳон чемпионати йўлланмаси ва ярим финал билан табриклайман. Эртага ўз ўйинимизни намойиш этиб ғалаба қозонишни мақсад қилганмиз.Албатта минглаб мухлислар қаршисида ўйнаш ажойиб кайфият бағишлайди. Улар бизни қўллаб-қувватламоқдалар. Ҳеч қандай босим эмас, уларнинг қаршисида ўйнаш ёқимли ва қўшимча куч беради.
Корея ўзига яраша кучли жамоа. Биз уларнинг ўйинини ўргандик, барча жамоада бўлгани сингари уларнинг ҳам кучли ва кучсиз томонлари бор. Эртага ўз ўйинимизни намойиш этиб, турнир чемпионлиги учун курашишда давом этамиз.
