Саншеш ва Паредес «Рома»га ўтишди

Фабрицио Романо хабарига кўра, Португалия терма жамоасининг 25 ёшли футболчиси 15 миллион еврога сотиб олиш ҳуқуқи билан жорий мавсум охиригача ижара асосида Рим клуби сафига қўшилган. Агар португалиялик футболчи барча турнирлардаги ўйинларнинг 60 фоизида иштирок этса, сотиб олиш мажбурий бўлади. Саншешнинг «ПСЖ» билан шартномаси 2027 йилнинг 30 июнига қадар амал қилади. Transfermarkt портали уни 15 миллион еврога баҳоламоқда. Саншеш аввалроқ «Бенфика», «Бавария», «Суонси» ва «Лилль» клубларида ўйнаган. Шунингдек, Леандро Паредес «Рома»га қайтмоқда. Аргентиналик футболчи «Рома» билан бир мавсумга узайтириш имконияти билан 2025 йилгача шартнома имзолади. L’Equipe нашри хабарига кўра, парижликлар бонусларсиз 2,5 миллион евро олади, бонуслар билан эса тахминан 4,5 миллион.