Тухелга 13 миллион тўланади

Daily Mail хабарига кўра, Лондон клуби келишувни бекор қилиб, Томас Тухелни истеъфога чиқаргани учун 49 ёшли немис мутахассисига 13 миллион фунт тўлаб беради. Шунингдек, яна 2 миллион фунт мураббийлар штабида фаолият юритган мутахассисларга тақсимланади. Маълумот учун, «Челси» Тухель қўл остида ЕЧЛ стартини «Динамо» Загребга қарши мағлубият (0:1) билан бошлашдан ташқари, АПЛда ҳам яхши натижа кўрсата олмаяпти - 6 ўйинда 3 ғалаба, 2 мағлубият ва 1 дуранг қайд этиб, 6-ўринни эгаллаб турибди. Эслатиб ўтамиз, Тухель 2021 йилнинг январь ойидан буён «Челси»ни бошқариб келаётган эди. У лондонликлар бошқарувида Чемпионлар лигаси, Европа Суперкубоги ва клублар ўртасидаги ЖЧда ғолиб чиқди.