Винисиус «Реал»ни тарк этиши мумкин

ESPN хабарига кўра, Винисиус 2025 йилда Саудия Арабистони чемпионатига ўтиши мумкин. Футболчининг вакиллари «Лос-Бланкос» раҳбариятига бразилиялик футболчи ҳозирда клуб билан 2027 йилнинг ёзида якунланадиган шартномасини узайтиришга шошмаётганлиги ва жамоани тарк этишни кўриб чиқиши кераклиги ҳақида маълум қилган. Аввалроқ, ОАВда Саудия клубларидан бири Винисиусга йилига 350 миллион евро маош таклиф қилаётгани ҳақида маълумот пайдо бўлганди. 24 ёшли ҳужумчи учун товон пули 1 миллиард еврони ташкил қилади. Футболчининг «Трансфермаркт» порталидаги нархи 180 миллион еврони ташкил қилади.