Салоҳ АПЛ рекордини ўрнатди

By Пўлатов Мухаммадхон 23 Dec, 2024 3 дақиқа ўқиш 23 Кўрилди

0 comments 0 likes

Англия чемпионатининг 17-турини якунлаб берган баҳсда пешқадам «Ливерпул» Лондонда «Тоттенҳэм» устидан йирик ҳисобда ғалаба қозонди.

9 та гол урилган ўйинда Салоҳ дубл ва 2 та ассистни, Диас дублни, Собослаи ва Соланке гол ҳамда ассистни ўз ҳисобларига ёздириб қўйишди.

Мазкур ғалабадан сўнг Слот жамоаси очколарини 39 тага етказиб, етакчилигини мустаҳкамлади ва 2-поғонадаги «Челси»дан 4 очкога ўзиб кетди. «Тоттенҳэм» эса 23 очко билан 11-поғонада қолди.

Эътиборлиси, мерсисайдликлар вингери Муҳаммад Салоҳ АПЛ тарихида «боксинг дэй»гача 10 тадан гол ва ассист қайд этган биринчи футболчига айланди.