Серхи Роберто товон пули - 400 «лимон»!

Янги шартнома 2024 йилнинг ёзига қадар имзоланган. Унга кўра, футболчининг товон пули миқдори 400 млн. евро деб белгиланган. Аввалроқ, Роберто «Барса» билан янги шартнома имзолаш учун маоши камайишига рози бўлгани ҳақида хабар қилинганди. Аввалги келишув ёзда якунига етарди. Маълумот учун, Роберто 2006 йилдан буён клуб тизимида. У 2010 йил жамоада дебютини ўтказган. Серхи жами 339 ўйинда майдонга тушиб, Каталония клуби сафида 19та соврин ютган. Жорий мавсумда эса 23 ўйинда 3та гол ва 3та ассистга муаллифлик қилди.