Трансфер финалдан кейин эълон қилинади

Килиан Мбаппе якшанба куни «Парк де Пренс»да сўнгги ўйинини ўтказади. «Тулуза»га қарши бўладиган ушбу ўйинда у «ПСЖ» мухлислар билан хайрлашади. Фабрицио Романонинг маълум қилишича, «Реал» ва Мбаппе аллақачон келишиб олишган, фақатгина расмиятчилик ишлари қолган. Режага кўра, «Реал Мадрид» Мбаппе трансферини ЕЧЛ финалидан сўнг эълон қилади. Маълумот учун, Европа Чемпионлар Лигаси финал 1 июнь куни «Уэмбли» стадионида ўтказилади. Унда «Реал Мадрид» «Боруссия Дортмунд»га қарши кураш олиб боради.