Қутлов: Чин олижаноблик намояндаси
10 апрель куни замонавий футбол юлдузларидан бири Садио Мане туғилган кунини нишонлади.
Украина футбол ассоциацияси хабарига кўра, Сергей Ребров миллий жамоа бош мураббийи этиб тайинланган. Украиналик мутахассис билан 2026 йилнинг 30 июль кунига қадар шартнома имзоланди. У бунгача жамоада бош мураббий вазифасини бажарувчи сифатида ишлаб келаётган Руслан Ротань ўрнида иш бошлади. Сергей Ребров ҳозиргача Киевнинг «Динамо», Саудия Арабистонининг «Ал-Аҳли», Венгриянинг «Ференцварош» ва БААнинг «Ал-Айн» клубларини бошқарган. У бир неча кун аввал амирлик клубини тарк этганди. Мураббий икки карра Украина чемпионлиги, уч карра Венгрия ва бир марта БАА чемпионлигини қўлга киритган. Маълумот учун, Украина миллий жамоаси 12 июнь куни Германияга қарши ўртоқлик ўйинида майдонга тушади. Евро-2024 саралаши доирасида эса жамоани Шимолий Македония (16 июнь) ва Мальта билан ўйин (19 июнь) кутиб турибди.
