Салим Мустафоев: "Бизга етишмаган ягона жиҳат - барқарорлик"
Вадим Абрамов бошқарувида Суперлигага қайтган Самарқанд «Динамо»си жорий мавсум ўз олдига катта мақсадлар қўймаган бўлсада, мазмунли ўйинлари билан ижобий таассурот уйғотди кўпчиликда
“Галатасарой” фанатлари стадионга турк футболини «ёндириш» ҳаракатидаги ҳужумчининг ноодатий портретлари билан киришмоқда!
Маълумот учун, Мауро Икарди айни пайт «Галатасарой»да ижара муддатини ўтамоқда. Аргентиналик ҳужумчи маҳаллий Суперлига доирасидаги 12та ўйинда «Гол + пас» тизими бўйича 13 очко (8та гол ва 5та самарали узатма) тўплаш асносида клубнинг талабчан фанатлари меҳрини қозонди. У жумладан, 1 февраль куни «Умраниеспор»га қарши кечган 22-тур ўйинида «дубль» қайд этди.
Икардининг сермаҳсул ўйинлари тезда ўз самараси берди - «Галатасарой» мухлислари ҳайратдалар, ҳаттоки, ақлдан озишмоқда, гўё. Дейлик, улар «Умраниеспор» билан учрашув якунлангач, аргентиналик юлдузнинг ноодатий портретини баланд кўтарганча бутун аренани айланиб чиқишди. Энг диққатни тортадиган томони шуки, унда Икарди Туркия президенти қиёфасида тасвирланган.
«ПСЖ»га тегишли «Парк де Пренc»да Мауронинг бундай суратлари пайдо бўлиши даргумон. Тўғри, Икарди катта эҳтимол билан Парижга қайтса керак, барибир. Ҳар ҳолда, унинг «Галатасарой» билан ижара шартномаси жорий мавсум якунигача мўлжалланган. Эслатма, аргентиналик шартнома бўйича 2024 йилгача «ПСЖ»га тегишли.
