Остон Ўрунов ҳам Эрон ("Персеполис")ни танлади

"23 ёшли Ўрунов "Персеполис" билан шартнома тузди. Эрондаги икки йиллик фаолиятида Остон жами 1,5 млн АҚШ доллари ишлаб топади (бир йил учун 750 минг доллар)", -  деб ёзади Иван Карпов.  

Маълумот учун, миллий терма жамоамизнинг ярим ҳимоячисининг айни кундаги бозор нархи (transfermarkt.world) тахминан 1 млн. еврони ташкил қилмоқда... 
*** 
Зотан, Россиялик инсайдер дастлаб, 23 ёшли футболчи Эрон клубида йиллик 750 минг АҚШ доллари маош олиши, бу ойига 62 500 АҚШ долларига тўғри келиши ҳақида хабар берганди. Бироқ, кейинчалик хабарни янгилаб, Ўрунов «Персиполис» билан 1,5 йиллик шартнома имзолагани ва унга кўра, бу муддат учун умумий 900 минг АҚШ доллари маош олишини маълум қилди. 
Чунончи, «Персиполис» Эрон чемпионатида 15-турдан кейин 3-ўринда бормоқда. Клуб 30 очко билан пешқадам «Истиқлол»дан 2 очкога ортда қолмоқда. 
Эслатиб ўтамиз, Остон Ўруновнинг «Спартак»даги йиллик маоши 600 минг АҚШ долларини ташкил этарди. У 2023 йил бошида Москва клуби билан хайрлашиб, «Навбаҳор»га кўчиб ўтганди. Наманган клубини эса эркин агент сифатида тарк этди.