Яна Осиё кубоги-2023 ҳақида...

23 Mar, 2023 6 дақиқа ўқиш 635 Кўрилди

0 comments 0 likes

Индонезия термасининг 20 ёшлилар ўртасидаги Осиё кубоги гуруҳ босқичидан чиқолмаганлиги 5-кучли жамоани аниқлаш учун қўшимча ўйинлар ўтказишга ҳожат қолдирмади.

Агар индонезияликлар курашни давом эттириб, ярим финалга чиқишганида, чорак финал босқичида енгилганлар орасида энг кучлисини аниқлаш учун қўшимча 3та ўйин ташкиллашга тўғри келарди.

***

- 5206 кунлик фарқ билан олинган икки фотосурат. Юқорисидаги: U-20 тоифасидаги ОК-2023дан ўрин олган Австралия - Қатар ўйинида Рафаэль Родригес голига ассистентлик қилган Бернардо. Қуйидагисида: 2008 йил декабрда Бернардонинг отаси Кассио голига ҳаммуаллифлик қилган Рафаэлнинг отаси Кристиано.

***

- ОФК Халқаро аёллар кунини 20 ёшли қизлар ўртасидаги Осиё чемпионати саралаши старти билан нишонлади. Илк ўйинлардан бирида Бишкекдаги «Омурзаков» стадионида Австралия термаси Гуам қизлар жамоасини 13:0 ҳисобида тор-мор қилди ва бу томошани трибунада атиги 10 нафар мухлис кузатди (ўйин протоколидаги рақам). Айтганча, Ўзбекистон қизлар термасининг Таиланда қайд этган натижалари ҳисобга ўтмайди. Негаки, U-20 жамоамиз кейинги йил тақвимига киритилган турнир финал босқичи мезбони ҳисобланади.