“МЮ” Тен Хаг олиб келган тўпурарни ижарага беради
“Манчестер Юнайтед” бош мураббийликка Рубен Аморимни тайинлаганидан кейин португалиялик мутахассис ишни таркибни ўзига мослаштиришдан бошлади.
Англия премер-лигасида умидларни оқлай олмаган голландиялик ҳужумчи ўзининг юқори даражасини намойиш қила олмади ва асосий таркибда бор-йўғи тўртта ўйин ўтказди, дея хабар беради Tuttosport.
Зиркз ўтган мавсумда "Болоня" сафида муваффақиятли ўйнади, у жамоа учун муҳим ўйинчи эди, аммо "Манчестер Юнайтед"даги ўйини сезиларли даражада пасайиб кетди. "Ювентус" эса жароҳат олган Милик ва Влаҳовичга ўринбосар қидирмоқда, шу боис “МЮ”нинг 22 ёшли ҳужумчисини ижарага олмоқчи. Қолаверса, йилига 3,5 миллион евро маош оладиган Зиркз Турин клубининг молиявий имкониятларига мос келади.
Ўз навбатида "Манчестер Юнайтед" ҳам футболчига формасини тиклаш ва унинг трансфери учун қилинган 43 миллион евро сармояни қоплаш имкониятини берадиган ижара вариантини кўриб чиқмоқда.
