Хорватиялик 31 ёшли футболчи Анте Ребич болалигида агар футболчилик фаолиятида муваффақият қозонса, ўз она қишлоғи ҳаётини ўзгартираман деб ваъда берган эди.
Айтилган гап отилган ўқ деганларидек, Югославиядаги уруш излари ҳалигача сезилиб турадиган Сплит чеккасидаги Донжи Винжани шаҳрида туғилган Ребич яқинда ўзи туғилиб вояга етган маскан учун юз минглаб евро сарфлади. Жумладан: у қишлоғидаги 500 кишининг кредит ва бошқа қарзларини тўлаб берди. Шунингдек, аутизмли болаларни қўллаб-қувватлайдиган, махсус бинолар ва жиҳозларга эга бўлган болалар боғчаси қуришни бошлади.
