Трансфер ойнасининг сўнгги кунида 22+3 миллион евро эвазига “МЮ”дан "Бетис"га ўтган бразилиялик вингер Антони тақдимот маросимида ўз ҳиссиётларини жиловлай олмади ва йиғлаб юборди.
"Севилья Манчестердан чиройлироқ. Ниҳоят мен шу ердаман. Меҳмонхонада 40 кундан ортиқ вақт ўтказдим, бу жуда қийин бўлди. Лекин ҳамма "Бетис"га қайтишни хоҳлаганимни биларди. Бу жуда қийин эди, лекин энди мен шу ердаман. "Бетис" либосини қайта кийишни сабрсизлик билан кутяпман. Буни амалга оширишга ёрдам берган барчага миннатдорчилик билдиришим мумкин, холос. Мен учун муҳаббат жуда муҳим ва уни пулга сотиб олиб бўлмайди. "Бетис"га қайтиш учун охирги кунгача кутдим. Мен шаҳарда ва севган клубимда бахтлиман.
Фақатгина оилам "Манчестер Юнайтед"даги даврим қанчалик қийин бўлганини билади. Мен бошқалардан алоҳида машғулот ўтказардим. Лекин мен бу ажойиб лаҳза яқинлашаётганини билардим. Албатта, бу содир бўлмаслигидан қўрқардим, аммо жуда ишонганлигим учун кутдим", - деди Антони.
