Ниҳоят «Барселона» узоқ давом этган реконструкция ишлари тугагач, ўзининг янгиланган «Камп Ноу» стадионида илк машғулотини ўтказди. Клуб матбуот хизматининг хабар беришича, мазкур машғулот мухлислар учун очиқ тарзда ташкил этилди ва стадионга 23 минг нафар ишқибоз ташриф буюрди.
Эслатиб ўтамиз, «Камп Ноу»даги қайта қуриш ишлари 2023 йил июн ойида бошланганди. Реконструкция тўлиқ якунлангач, аренанинг сиғими 99 мингдан 105 минг томошабингача ошади.
