Истанбул Бош прокуратураси букмекерлик ишларига алоқадорликда гумон қилинган 21 шахсга нисбатан тергов олиб бориб, улардан 18 нафарига ҳибсга олиш ордери берди. Қамалганлар орасида Суперлига клуби президенти ҳам бор, дея хабар берди Anadolu агентлиги.
Бундан аввалроқ Туркия футбол федерацияси 149 нафар профессионал ҳакамни 8 ойдан 1 йилгача мусобақалардан четлатган эди.
Федерация раҳбари Иброҳим Ҳажжиосманоғлунинг таъкидлашича, Туркия футболида жиддий «ахлоқий инқироз» кузатилмоқда. Тергов жараёнида 42 ҳакам 1000дан ортиқ ўйинга пул тиккани, шулардан бири эса 18 227марта ставка қилгани аниқланган. Аксарият ҳолларда бир марталик пул тикиш ҳолатлари қайд этилган.
