Дафн маросими футболчиларнинг ўз она шаҳри Гондомар шаҳрида бўлиб ўтди ва унда марҳумларнинг оила аъзолари, дўстлари, шунингдек, уларнинг жамоадошлари ва мураббийлари иштирок этди. Жумладан, футболчилардан Виржил ван Дейк, Эндрю Робертсон, Жордан Хендерсон, Фабиньо, Тиаго Алькантара, Руй Патрисиу, Бернарду Силва, Бруно Фернандеш, Жоау Феликс, Жозе Фонте, Ренату Вейга, Рикардо ва Андре Орта ва бошқалар кўриниш беришди. Эътиборлиси, 14 соат олдин Клублар ўртасидаги ЖЧда ўйин ўтказган Жоау Канселу ва Рубен Невеш ҳам дарҳол АҚШдан учиб келишди. Мураббийлардан эса, Арне Слот, Фернанду Сантуш, Нуну Эшпириту Санту, Роберто Мартинес, Андре Виллаш-Боаш бор эди.
Диого Жота ва Андре Силванинг дафн этиш маросими ўтказилди
