«Ливерпул» клубининг собиқ бош мураббийи Юрген Клопп келажакда жамоага қайта келиш эҳтимолини рад этмади. Бу ҳақда у ESPN нашрига берган интервюсида маълум қилди.
«Ҳозирги пайтда мураббийлик қилишни истамаяпман, дам олмоқдаман. Кунни сокин ўтказиш, тинч ҳаёт, булар мен учун янги тажриба. Аммо назарий жиҳатдан қаралса, қайтишим мумкин. Мен бошқа Англия клубини бошқармайман. Агар бир куни қайтсам, бу фақат «Ливерпул» бўлади», — деди Клопп.
