Кеча бўлиб ўтган “Андижон” – “Навбаҳор” (0:1) жамоалари ўртасидаги “водий дербиси”да андижонлик мухлислар "Бобур арена" стадионида "даҳшатли" муҳитни яратдилар ва футболчиларни супер даражада қўллаб-қувватладилар. Мезбонлар бош мураббийи Максим Шацких эса мухлислик борасида шундай деди:
"Кечаги ўйинда мухлисларимиз стадионда фантастик муҳитни яратдилар. Улар жамоамизни қойилмақом даражада қўллаб-қувватладилар. Бунинг учун уларга миннатдорчилик билдираман. Биз шубҳасиз, ишқибозларимизни хурсанд қилишни хоҳлагандик. Афсуски, биз ўйлагандек бўлмади. Бунинг учун мухлисларимиздан узр сўрайман. Албатта, кейинги учрашувларда ишқибозларимизни хурсанд қилиш учун бор кучимиз билан ҳаракат қиламиз".
