Испаниялик ҳимоячи Серхио Рамос яқинда “Реал”даги фаолиятига бағишланган «Сибелес» қўшиғини оммага тақдим этди. У шунингдек мазкур ижод намунаси кимнинг манзилига қаратилганига изоҳ берди.
“Бу қўшиқ Пересга бағишланганми? Йўқ, албатта мен унда Сибелес ҳақида куйладим. «Реал»дан кетиш мен учун қийин эди, қўшиқ эса шу ҳақида. Ўшанда мен оғриқни ҳис қилдим, чунки бошимдан кечирган ҳамма нарса ўтмишнинг бир қисмига айланиб, унутила бошлаганди. Лекин бу чиқиш орқали нафақат ўз қайғуимни, балки ўз севгимни ҳам изҳор қилдим. Флорентинодан доим миннатдорман, чунки у мени шу клубга олиб келган. У билан ҳали ҳам яхши муносабатдаман. "Реал Мадрид" - менинг уйим, мен ва Переснинг клубга бўлган меҳр-муҳаббатимиз бир хил ва ушбу трекнинг гўзаллиги ҳам шунда.
Сўнгги бир неча йил ичида жароҳатлар туфайли "Мадрид"га қайтиш имконига эга бўлмаган бўлсамда, клуб мен ҳар доим қайтишга тайёр эканлигимни билади. Аммо яқин йилларда мадридликлар таркибни ёшартиришда давом этишларини ҳам биламан. Нима бўлганда ҳам, мен мадридист эканлигимни ҳамма билади, шунинг учун қачондир "Мадрид"га албатта қайтаман” – деди футболчи.
