Венесуэла миллий жамоаси ҳужумчиси Хосе Саломон Рондон Испаниянинг «Овьедо»сига ўтади, деб ёзади Super Deportivo. 35 ёшли футболчи сўнгги икки мавсумни Мексиканинг «Пачука» клубида ўтказиб, 70 ўйинда 36та гол урди. У жамоа билан АҚШдаги КЧЖда ҳам қатнашди ва гуруҳдан чиқолмади. Рондонга Ла Лига бегона эмас. У ўз вақтида «Малага» ва «Лас-Пальмас»да ўйнаган. Шунингдек, форвард «Ривер Плейт», «Эвертон», «Ньюкасл», «Вест Бромвич», «Зенит» ва «Рубин»даги ўйинлари билан ҳам машҳур. Эслатиб ўтамиз, «Овьедо» 2001 йилдан сўнг илк бор Ла Лигага чиқди.
Рондон Европага қайтмоқда
