Катта сенсацияга оз қолганди-я...
Жаҳон футболида Франция кубогидек сенсацияларга тўла турнир топилмаса керак.
Асосийси, Рино бошқарувидаги «Хайдук» чемпионлик тожи учун курашмоқда. Асосий рақобатчи - «Риека» билан ўртада фарқ йўқ, ҳисоби. Гаттузонинг ўзи эса яқинда соқолини бутунлай олдириб ташлади - италиялик «телба»дан яна бир кутилмаган юриш.
Женнаро Гаттузо юзида умуман тук йўқ: на мўйлов ёки соқол ва на бакенбард. Тоза қиртиллаш. Маълум бўлишича, Рино алоҳида тадбир - «Соқол аукциони» доирасида ўз имиджини бутунлай ўзгартирди. Гап шундаки, маҳаллий машҳур шахслар хайрия аукционида соқол-мўйловларини олиб ташлашди. Жумладан, Гаттузонинг соқоли ва мўйлови 10 минг еврога баҳоланди. Таъкидланишича, Гаттузо саратон хасталикларига қарши курашда ёрдам берадиган жамғарма тадқиқотлари учун пул йиғишга ёрдам бериш мақсадида севимли соқолидан айрилишга қарор қилди. Рино билан бирга «Хайдук» ҳимоячиси Звонимир Шарлия ҳам акцияда иштирок этди.
Италиялик мураббий Хорватия матбуотига берган интервьюсида ушбу хатти-ҳаракатига алоҳида изоҳ берди: «Ушбу челленжда қатнашганимдан фахрланаман. Ваҳоланки, 20 йилдан ортиқ вақт давомида соқолимни олдирмагандим. Фақат хайрия учун рози бўлдим. 10 минг евро йиғилгани - яхши». Соқолли Гаттузо фотоальбоми турли-туман суратларга бой. Яъни Рино соқоли устида жуда кўп марта тажрибага қўл урган. Умуман, Гаттузо бундан олдин ҳам соқолини тез-тез олдирган. Дейлик, 2002 йилнинг ёзида қадрдон шаҳарчаси - Корильянода ўтказилган «Рино билан югурамиз» хайрия марафонида соқолсиз кўриниш берганди. У «Рейнжерс»га ҳам тоза ёноқлар билан борганди. Лекин факт шуки, 20 йилдан ортиқ вақтдан буён соқол италиялик билан бирга эди. Уни тез орада яна соқол билан кўришимизга ҳам шубҳа йўқ.
